H&H နှမ်းဖတ်ချဉ် (230g)

H&H ရဲ့ menu အသစ်။ ဆုံကနေကြိတ်ပြီးအဆီမကုန်သေးတဲ့ နှမ်းဖတ်ပဲဖတ်လေးတွေကို ဆားလေးထည့် ရေကျက်အေးလေးခံ သန့်ရှင်းစွာဖြင့် သဘာဝရိုးရာနည်းအတိုင်း အချဉ်တည်ထားပါသော H&H နှမ်းဖတ်ချဉ် ရပါပြီရှင်။ခပ်ဆိမ့်ဆိမ့်နှမ်းဖတ်ချဉ်ထဲမှာ မြေပဲဆုံဆီမွှေးမွှေးလေးထည့် နှပ်ထားပါတယ်။
နှမ်းဖတ်ချဉ်ကို မိရိုးဖလာနည်းအတိုင်း သုပ်စားရုံတင်မကပဲ အသားငါးဟင်းတွေ စားရဖန်များတော့ ချက်ပြီးစားမကုန်တဲ့အခါဆို အအီလည်းပြေအောင် နှမ်းဖတ်ချဉ်လေးထည့် ရောသမမွှေ အိုးချခါနီး ငရုတ်သီးစိမ်း နံနံနဲ့ ရှောက်ညွန့်လေး(ရရင်)ခတ် ချက်စားကြည့်ပါနော်။
ကြက်သွန်နီ ဖြူဆီသတ် နှမ်းဖတ်ချဉ်လေးထည့် ဟင်းခတ်အရသာမှုန့်အနည်းငယ်နဲ့ ဆီပြန်ခါနီး ဝက်ဆီဖတ်ကြော်လေးတွေ အနေတော်လှီးဖြတ်ထည့် ဆိမ့်ပြီး အရမ်းတွေ စားကောင်းပါတယ်ရှင်။